Ka marrë fund ankthi argjentinas për përballjen e frikshme të Kupës së Libertadores – Championsi amerikanolatin – pasi River Plate arriti të fitojë ndaj Boca Juniors në “Santiago Bernabeu” dhe të kurërozohet kampion.
Takimi i dytë përfundoi 3 – 1 pas kohës shtesë, pasi ajo e rregullta doli sërish në barazim 1-1. Ndeshja e parë kishte përfunduar 2-2.
Takimi i kthimit në Argjentinë u anullua, për shkak se tifozeria e Riverit sulmoi autobusin e Boca-s, deri në dëmtimin e lojtarëve me copa xhami të futura në sy.
Për këtë arsye, u zgjodh stadiumi mitik i Madridit për t’u luajtur kjo finale “horror”.
Ishte një koinçidencë që dy ekipet rivalë të përjetshme argjentinase, viheshin përballë dhe në një finale Libertadoresi
Ndërsa, “Santiago Bernabeu” u bë i pari stadium futbolli në histori ku u luajt një finale e Kupës së Libertadores.
Ndeshja u luajt nën masa të rrepta sigurie. Spanjollët punësuan më shumë se 2,500 oficerë policie dhe forca shtesë ishin gati. /tesheshi.com/
