Së paku një refugjat ka humbur jetën si pasojë e një zjarri që përfshiu kampin e stërmbushur me sosh në ishullin grek të Lesbos.
Shërbimet emergjente konfirmuan për Euronews se tymi që u shkaktua në kampin Moria arriti të lokalizohej shpejt, duke shmangur atë që mund të bëhej edhe më e rëndë. Burime të pakonfirmuara flasin edhe për një viktimë të dytë, ndërsa bëhet e ditur se dhjetëra persona kanë përfunduar në spital si pasojë e ngulfatjes nga tymi.
Kampi deri tani strehonte rreth 12,000 persona, kryesisht sirianë që kanë ikur nga lufta civile në vend.
Javët e fundit, Greqia është përballur me fluksin në rritje të refugjatëve të cilët vijnë nga Turqia fqinje. Gati një milion refugjatë që kanë ikur nga lufta në Siri kaluan nga Turqia në ishujt e Greqisë, vetëm në kulmin e krizës në 2015. /tesheshi.com/
