Një autobuz me turistë nga Kosova është përfshirë nga flakët në autostradën Milot-Kukës, ndërsa nuk raportohen lëndime në njerëz.
Ende nuk dihen shkaqet e djegies së autobusit, i cili ishte në lëvizje.
Policia tashmë ka nisur hetimet dhe dyshon se flakët kanë ardhur për shkak të një defekti teknik.
Autobusi është djegur plotësisht, megjithë ndërhyrjen e zjarrfikëses.
“Me datë 26.08.2017 , është marrë njoftim se në Fushë – Milot, ka marrë flakë një mjet autobus i Kosovës.
Menjëherë në vendngjarje kanë mbërritur shërbimet policore dhe zjarrfiksja që po bëjnë të mundur shuarjen e flakëve.
Nuk ka të lënduar në njerëz, vetëm dëme materiale.
Nga shërbimet e policisë rrugore është bërë devijimi i qarkullimit rrugor në aksin e vjetër rrugor Milot-Lezhë dhe Milot-Laç, deri në përfundim të veprimeve hetimore në vendngjarje si dhe në shmangie të trafikut”, thuhet në njoftimin paraprak të policisë. /tesheshi.com/
