Një bisedë “historike” është realizuar pasditen e së mërkurës mes kancelares gjermane Angela Merkel dhe presidentin turk Rexhep Tajjip Erdogan, e ndodhur kjo në kulmin e një përplasjeje turko-amerikane, por gjithashtu dhe në një klime me tendenca përmisimi mes Berlinit dhe Ankarasë, që prej kohësh janë po ashtu në raporte të acarta.
Sipas një burimi të paidentifikuar nga zyra e presidentit turk, dy politikanë shprehën vendosmëri kur është fjala për forcimin e bashkëpunimit Turqi-Gjermani, përmes kontakteve dhe vizitave nga zyrtarë të lartë. Kjo, pasi Merkel ka shprehur rëndësinë që ka ekonomia turke për Gjermaninë.
Edhe ditë më parë, Berlini zyrtar potencoi faktin se është në interes të Gjermanisë një ekonomi e fortë turke, një reagim ky ndaj sulmit të administratës Trump ndaj financave turke.
“Askush nuk është i interesuar për destabilizimin ekonomik të Turqisë”, tha Merkel, duke shprehur njëherësh nevojën e pavarësimit të Bankës Qendrore turke, një proces që po udhëhiqet nga kreu i ri financave turke, Berat Albayrak.
Sipas mediave turke, Merkel ka shfaqur nevojën për t’u takuar me ministrin e Thesarit dhe Financave, Albayrak, ajo dhe ministrat e financave dhe ekonomisë në kabinetin e saj.
Berat Albayrak, i njohur dhe si dhëndëri i Erdoganit, konsiderohet gjithashtu si “hala në sy” e administratës amerikane, ndaj të cilit Trump ka urdhëruar sanksione. /tesheshi.com/
Sipas saj, Gjermania ka përfituar nga një mjedis ekonomik i qëndrueshëm rreth Bashkimit Evropian.
