Kancelarja gjermane ka dhënë një mesazh të qartë për kryeministrin autoritar të Maqedonisë, Nikolla gruevski, pas shpërthimit të skandaleve të fundit dhe mungesës së dialogut politik në vend.
Pavarësisht se në fillim të marsit u raportua për një takim Gruevski-Merkel, që u tha se do të mbahej më 23 mars, kancelarja gjermane duket se nuk ka ndarë kohë për të takuar kryeministrin e vendit tonë.
Mediet maqedonase shkruanin para dy javësh se kryeministri do të udhëtojë për në Gjermani për të takuar kancelarin Angela Merkel.
Por Kabineti i Kancelares tha javën e kaluar se takimi nuk është paraparë në agjendën e takimeve të shefes së qeverisë gjermane.
Burimet nga Kabineti i Merkelit nuk përjashtonin një takim në kuadër të Samitit të Partisë Popullore Evropiane, të premten, i cili megjithatë nuk ndodhi.
Partia e Merkel-it CDU është partia që ka mbështetur VMRO-DPMNE-në në trajnimin e kuadrove të saj, duke organizuar seminare të shumta si në Maqedoni, ashtu dhe në Berlin, përmes fondacionit “Konrad Adenauer Stifttung”.(INA)
