Sikur askush nuk e kupton se sa i hollë është kufiri midis konfliktit ushtarak dhe zgjidhjes së paqes, deklaroi Kancelarja gjermane Angela Merkel në Bundestag, në lidhje me tensionet në rritje në Mesdheun lindor midis Turqisë dhe Greqisë dhe Turqisë dhe Qipros.
Përpara samitit të Bashkimit Evropian, ajo adresoi ankesat e shkeljeve të të drejtave të njeriut në Turqi, por nuk mungoi të njohë Ankaranë zyrtare për “merita spektakolare dhe të dukshme gjatë krizës së refugjatëve në vend, e cila pranoi katër milion refugjatë, si asnjë vend tjetër në botë”, raporton agjencisë greke ANA.
“Në çdo mundësi, ne duhet të ripërcaktojmë marrëdhëniet tona me Turqinë dhe të insistojmë në bashkëpunim për të gjitha problemet e rëndësishme, të përbashkëta dhe çështjet e hapura,” vuri në dukje kancelarja gjermane.
Tensionet në Mesdheun lindor
Krerët e vendeve anëtare të BE mblidhen të enjten dhe të premten për një samit, ku tema kryesore do të jetë një diskutim strategjik mbi marrëdhëniet me Turqinë dhe situatën në Mesdheun lindor, si dhe tema të tjera.
Marrëdhëniet me Turqinë dhe situata në Mesdheun lindor, ku ka tension të madh mbi kërkimin e gazit nga ana e Turqisë, do të diskutohet gjatë një darke pune të enjten.
Qipro dhe Greqia pretendojnë se shpimet provë po kryhen në zonat e tyre ekskluzive ekonomike, ndërsa Turqia pretendon se po kryen kërkime brenda shelfit të saj kontinental.
Turqia tha se pret hapa konkretë nga samiti i BE në 1 dhe 2 tetor për të ndryshuar marrëveshjen e 2016 mbi migrantët dhe bashkimin doganor, ndërsa Qipro i bëri thirrje BE të tregojë solidaritet dhe të marrë masa kundër Ankarasë.
Qiproja nuk dëshiron të japë pëlqimin e saj për futjen e sanksioneve evropiane në Bjellorusi, sepse dëshiron që Unioni të fusë masa më të rrepta kundër Turqisë, e cila, siç pretendon ajo, shkel të drejtat e saj në det. /tesheshi.com/
