Menjëherë pas quitz-it tashmë famoz të profesor Përparim Kabos me kandidatët e vettingut, është rikthyer në Tiranë njeriu i Angela Merkelit i dërguar për reformën në drejtësi, por i “shkarkuar” nga ajo pjesë e politikës që ishte totalisht kundër vetingut.
Bëhet fjalë për Reiner Deville, kreun e Euralius-it, i cili hartoi së bashku me kolegun e ICITAP-it amerikan të gjithë bazën ligjore të vetingut dhe të gjitha ligjet e reformës në drejtësi.
Gjatë kohës që ai ishte në Tiranë u sulmua me bataretë më të forta nga një pjesë e politikës dhe medias, që shikonin konsiracion ndërkombëtar kundër një pjese të politikanëve shqiptarë.
Ata e akuzuan juristin e nivelit të lartë gjerman se është fajtori që ka ndryshuar përkthimin e draftit të vetingut që u dërgua në Komisionin e Venecias.
Me një lëvizje taktike, gjatë kohës së çadrës dhe zgjedhjeve, Berlini zyrtar i trazuar rëndë për fyerjen ndaj njeriut të saj e tërhoqi taktikisht Reiner Deville, për ta sjellë sërish sot por me një fuqi më të madhe.
Njeriu që Angela Merkel i ka besuar, që të ndihmojë shqipërinë të pastrojë drejtësinë, ka ardhur pikërisht për të drejtuar dhe trajnuar grupin e njerëzve që do të drejtojnë pyetsorët “alla Kabo” gjatë intervistave të rivlerësimit të gjyqtarëve dhe pyetsorëve.
Gjermani Deville, dje ka drejtuar seancën e parë të misionit të ri shqiptar, ku ka folur as më pak e as më shumë, por për “kthim të pasurisë së vjedhur nga gjyqtarët e prokurorët e korruptuar”.
Në mënyrë të drejpërdrejtë, Devillee ka adresuar duart pikërisht te ajo kastë që pengoi vetingun dhe sipas tij do ta vazhdojë të bëjë të njëjtën gjë.
“Jemi të gjithë të ndërgjegjshëm se ka disa njerëz që janë të interesuar për të bojkotuar, për të keqkuptuar, për të zvarritur, për t’u fshehur dhe për ta dëmtuar edhe më shumë vettingun. Dikush mund të më pyesë: A mund të na garantoni se vetingu do të funksionojë? Unë them se nuk është e garantuar, sepse varet nga vullneti politik, nga publiku dhe nga aktorët e përfshirë. E nëse nuk funksionon, atëherë Bashkimi Europian ka në duar çështjen e aderimit, i cili do të shtyhet”, tha Dr. Rainer Deville.
“Babai” i vetingut ka ndarë më pas shaping nga sheqeri dhe tipikisht në mënyrë gjermane:
“Jo të gjithë janë të korruptuar. Ka njerëz të ndershëm, prokurorë dhe gjyqtarë që e bëjnë këtë punë prej 20 vitesh. Ata nuk kanë makina të tipit të fundit dhe nuk shkojnë me pushime në Singapor, por në Vlorë. Për të gjithë këta njerëz të nde rshëm, ju jeni rojet e tyre, në ndihmë të tyre”, deklaroi Deville.
Dr. Rainer Deville, është një gjyqtar veteran dhe i nivelit të lartë në Gjermani, ku ka shërbyer në shumë trupa gjyqësore të të gjithë vendit, por ka një përvojë shumë të rëndësishme në përgatitjen e gjyqtarëve të rinj gjermanë.
Ai ka një përvojë profesionale në çështje të administrimit dhe politikave në Ministrinë e Drejtësisë, ku është anëtar i Zyrës Shtetërore të Provimeve në sistemin e drejtësisë (Landesjustizprüfungsamt), organi që merret me provimin e gjyqtarëve dhe prokurorëve të ardhshëm, si dhe të profesionistëve të tjerë ligjorë.
Pra e njeh metodën e përgatitjes dhe rekrutimit në mënyrën më ekselente. Porn ë transplantimin e standardeve europiane të drejtësisë ai nuk e kishte detyrë të parë EURALIUS-in, pra misionin e BE-së për të reformuar drejtësinë në Shqipëri.
Ai ka menaxhuar disa projekte të BE-së në fushën e drejtësisë, duke kontribuar veçanërisht në aderimin e Letonise dhe të Kroacisë në Bashkimin Europian. Që prej shtatorit të vitit 2014 Dr. Deville drejtoi projektin EURALIUS dhe jo kësaj here me këshilla por duhe hartuar në prima persona një reformë të thellë në drejtësi, e cila është kushti i parë për të sjellë hapjen e negociatave të aderimit të Shqipërisë në BE. /tesheshi.com/
