Kancelaria gjermane ka vënë në datën zyrtare sërish agjendën e takimit të Angela Mekel me homologun e saj Edi Rama.
Në këtë njoftim theksohet se “pasdite kancelarja do të presë kryeministrin shqiptar, Edi Rama. Në qendër të takimeve do të jenë çështjet bilateral, ato rajonale dhe avancimin e Shqipërisë drejt BE-së”.
Sipas programit paraprak takimi kokë më kokë do të nisë në orën 14.00 dhe më pas do të zhvillohet një konferencë e përbashkët për shtyp.
Pikërisht nga kjo konferencë për shtyp do të dalë edhe qëndrimi zyrtar i Gjermanisë mbi hapjen e negociatave, sidomos pas qëndrimit të ashpër të një deputeti të CDU-së në Tiranë.
Pas deklaratave të deputetit Gunther Krichbaum, kryeministri Rama reagoi ashpër duke thënë se qëndrimi i tij se nuk duhet të hapen negociatat e Shqipërisë me BE-në janë personale dhe jo të lidhur me drejtimin e partisë.
Pra, fjala e Merkel sot bëhet edhe më e rëndësishme në këtë rast, pasi do të varet edhe qëndrimi i qeverive të tjera të Bashkimit Europian dhe i Gjermanisë si aleate e Edi Ramës.
Tjetër aspekt i rëndësishëm i Merkel do të jetë edhe një gjë që po ruhet në fshehtësi nga protokollet.
Sot ajo do të mbajë një fjalë të rëndësishme përshëndetëse për Shqiptarët, duke bërë thirrje për të instaluar më në fund drejtësinë e pavarur dhe nisur arrestimin e “peshqve të mëdhenj”.
Kjo është vizita e tretë e Edi Ramës në Berlin dhe takimi i gjashtë me kancelaren Merkel që kur ka ardhur në pushtet në vitin 2013.
Të dy vendet janë përpara zgjedhjeve të rëndësishme dhe ka shumë gjasa që mesazhi publik të jetë pjesë e kurimit të imazhit përpara këtyre zgjedhjeve. Merkel duke kujtuar çështjet e emigrantëve dhe Rama atë të integrimit në BE./tesheshi.com/
