Ish-kancelarja gjermane Angela Merkel mbrojti të enjten vendimet e qeverisë së saj për të blerë vëllime të mëdha gazi natyror nga Rusia, e cila ishte furnizuesi kryesor i vendit të saj me gaz në kohën kur ajo la detyrën.
Duke folur në Lisbonë, Merkel tha se “vepron gjithmonë me kohën” dhe se ajo nuk pendohet për vendimet e saj.
Ajo tha se ishte e qartë se Gjermania kishte nevojë të diversifikonte furnizimin e saj me energji ndërsa u largua nga termocentralet bërthamore dhe termike dhe se gazi do të duhej në periudhën e tranzicionit.
Merkel deklaroi se “nga perspektiva e asaj kohe, ishte shumë e kuptueshme dhe racionale të merrej gaz përmes tubacioneve, përfshirë atë nga Rusia, i cili është më i lirë se gazi i lëngshëm LNG që merret nga pjesët e tjera të botës”.
Ajo shtoi se “edhe gjatë Luftës së Ftohtë, Rusia ishte një furnizues i besueshëm i gazit”.
Merkel drejtoi Gjermaninë nga viti 2005 deri në dhjetor të vitit të kaluar. Gjatë “mbretërimit” të saj, gazsjellësi North Stream 1 solli gaz direkt nga Rusia në Gjermani nën Detin Baltik, raporton AP. /tesheshi.com/
