Pas një shtyrjeje të vizitës të së martës për shkak të një stuhie bore, kancelarja gjermane do të gjendet sot në kryeqytetin amerikan për t’u takuar me presidentin e ri të SHBA-së.
Takimi i Donald Trump-it me Angela Merkel-in do të jetë më i rëndësishmi i presidentit amerikan me një udhëheqës të huaj që prej marrjes së detyrës në janar. Ky është përshkrimi që i bën CNN-i takimit të pritshëm, duke iu referuar analistëve dhe zyrtarëve të Shtëpisë së Bardhë.
Fuqia e lidhjeve mes Uashingtonit dhe Berlinit, thotë CNN-i, me shumë mundësi do të përcaktojë marrëdhënien e Trump-it jo vetëm me Gjermaninë, por me Europën si të tërë.
“Bisedimet ballë për ballë janë gjithmonë shumë më të mira se të flasësh mbi njëri-tjetrin,” u ka deklaruar Merkel së fundi gazetarëve në vendin e saj, e prirur për një takim kokë më kokë me Trump-in pas bisedës telefonike të janarit.
NATO, Lindja e Mesme dhe terrori ndërkombëtar janë mes temave që BBC-ja rendit në axhendën e bisedimeve mes dy udhëheqësve.
Një çështje tjetër që pritet të diskutohet është politika amerikane ndaj Bashkimit Europian, ndërsa Trump-i ka shprehur spekticizmin për unionin. /tesheshi.com/
