Parlamenti gjerman voton sot për paketën e shpëtimit financiar të Greqisë. Në argumentet që dha përpara deputetëve, kancelarja Merkel sqaroi se ka pasur tre mundësi për zgjidhjen e krizës. E para, tha ajo, ishte thyerja e rregullave duke i bërë këto rregulla të pavlefshme për më tej. Por, një gjë e tillë do të ishte edhe fundi i shtetit ligjor të Europës.
E dyta, dorëzimi dhe lënia e Greqisë në fatin e vet. “Ne do të kishin ndenjur duarkryq dhe do të shikonim sesi Greqia pësonte hemorragji, njerëzit nuk do të merrnin paratë në banka dhe kaosi do të mbizotëronte”.
Dhe së treti, sipas kancelares gjermane ishte arritja e marrëveshjes me të gjithë anëtarët e eurozonës në unison.
Ajo shtoi se nuk ishte populli I Greqisë përgjegjës për këtë situatë. /tesheshi/
