Një marrëveshje e Brexit është “jashtëzakonisht e pamundur” nëse Britania nuk e lë Irlandën Veriore në bashkimin doganor, i tha Kancelarja gjermane Angela Merkel kryeministrit të Mbretërisë së Bashkuar Boris Johnson në një telefonatë, zbulon Reuters.
Burimi i Reuters shtoi se “Merkel tha se nëse Gjermania do të donte të linte BE-në ata nuk do të kishin asnjë problem, por Mbretëria e Bashkuar nuk mund të largohet pa lënë Irlandën Veriore prapa në një bashkim doganor dhe në një shtrirje të plotë”.
Udhëheqësja gjermane gjithashtu raportohet se i tha homologut të saj britanik se ajo mendon se BE ka një veto për Britaninë që largohet nga bashkimi doganor.
Udhëheqësi britanik Johnson ka thënë vazhdimisht se dëshiron që Mbretëria e Bashkuar të largohet nga blloku deri më 31 tetor, me ose pa marrëveshje. Ai ka përsëritur këtë pozicion pavarësisht se deputetët miratojnë legjislacionin që e detyron atë të kërkojë një vonesë të tretë të Brexit nëse një marrëveshje nuk arrihet para 19 tetorit.
Por Johnson ka kërkuar që BE të heqë dorë nga aranzhimi “backstop”- një politikë e krijuar për të parandaluar një kufi të trazuar në Irlandë që mund të kërcënojë paqen në ishull.
Propozimet e Mbretërisë së Bashkuar të publikuara javën e kaluar parashohin futjen e një zone rregulluese të përkohshme të të gjithë ishujve nën të cilët edhe Irlanda Veriore do të dilte nga bashkimi doganor, por do të ndiqte rregullat e BE për mallrat. /tesheshi.com/
