Kancelarja gjermane Angela Merkel mbërriti në Shkup, në një vizitë inkurajuese për t’i thënë “Po” marrëveshjes së emrit të ri me Greqinë, që do të mbahet më 30 shtator. Ajo u kujtoi votuesve maqedonas se prej tyre varet anëtarësimi i Maqedonisë në BE dhe NATO.
“30 shtatori është mundësi historike dhe ju nuk duhet të qëndroni në shtëpi. Shfrytëzoni mundësinë demokratike për të treguar çfarë mendoni”, tha Merkel, duke lënë të nënkuptuar se nëse shkojnë deri te kutia, t’i thonë “Po” emrit të ri.
“Referendumi është mundësi për hapjen e dyerve për vendin tuaj që të bëhet pjesë e familjes euro-atlantike. Ju keni marrë vtesën të bëheni vend anëtar i NATO-s. Ju e keni mundësinë për anëtarësim në BE. Keni ende punë për të bërë por kryesore është referendumi i 30 shtatorit. Kjo ditë është një mundësi historike për vendin tuaj. Kuptohet se nuk dua të ndërhyj në vendimin e qytetarëve tuaj, por nga përvoja ime personale mund të them se ky është një shans historik që nuk vjen çdo ditë. Është shans që një gjeneratë eka vetëm një herë. Shpresoj të ndërmirren hapat kryesorë që vendi juaj të bëhet anëtar i plotfuqishëm i Bashkimit Evropian”, theksoi Merkel.
Zaev, inisiatori i zgjidhjes së mosmarrëveshjeve 25-vjeçare me Greqinë, duke pranuar ndryshimin e emrit, po merr një mbështetje të jashtëzakonshme nga faktori ndërkombëtar, për të dalë me sukses në referendum. /tesheshi.com/
