Kancelarja gjermane, e gjendur në vështirësi kohët e fundit si brenda vendit të saj dhe jashtë për shkak të politikës së dyerve të hapura për emigrantët, e ka mbrojtur sërish qëndrimin e vet.
Duke folur për transmetuesin shtetëror ARD, Merkel ka hedhur poshtë çdo kufizim të numrit të refugjatëve të lejuar në Gjermani. Ajo e mohoi faktin që të ketë një “Plan B” për synimin e reduktimit të valës së refugjatëve nëpërmjet bashkëpunimit me Turqinë.
Merkel e bëri të qartë motivimin e saj për t’i mbajtur të hapur kufijtë e Gjermanisë për refugjatët, diçka e kundërshtuar hapur brenda e jashtë Gjermanisë, mes vendeve të BE-së.
“Unë po ashtu dëshpërohem nganjëherë. Ca gjëra ecin shumë ngadalë. Në Europë ka shumë interesa kundërvënëse,” ka thënë kancelarja.
“Në pragjet e dyerve tona ka aq shumë dhunë dhe vështirësi. Ç’është e drejtë për Gjermaninë në planin afatgjatë? Mendoj, të mbajë Europën të bashkuar dhe të tregojë humanitet.”
Angela Merkel po përballet tanimë me sfidën më të madhe për sa kohë që është kancelare e Gjermanisë, siç e pohoi dhe vetë. Dhënia zgjidhje çështjes së refugjatëve mbetet dhe në planin europian sfida parësore e së sotmes. /tesheshi.com/
