Në një deklaratë, qeveria gjermane tha se hyrja e Maqedonisë në Aleancë të përbëjë një kontribut të rëndësishëm në sigurinë e hapësirës Euro-Atlantike, por gjithashtu do të sigurojë një impuls të rëndësishëm për stabilizimin e mëtejshëm të Ballkanit Perëndimor.
“Momenti historik. Marrëveshja e Prespës mes Athinës dhe Shkupit iu dha fund mosmarrëveshjes së tyre 25-vjeçare për emrin e ish-republikës jugosllave. Baza për pranimin e Republikës së Maqedonisë Veriore në NATO është e vendosur. Në shkurt, shtetet anëtare do të nënshkruajnë Protokollin për pranimin”, u tha në deklaratë.
Qeveria gjermane është në favor të miratimit të shpejtë të Protokollit për të siguruar pranimin formal deri në fund të muajit të ardhshëm.
Deklarata shton se “Maqedonia Veriore luan një rol konstruktiv në Ballkanin Perëndimor në planin e politikës së jashtme”.
“Kjo u bë veçanërisht e dukshme në gatishmërinë e saj për të pranuar ndryshimin e emrit në negociatat me Greqinë në qershor të vitit të kaluar”, u theksua në deklaratë.
“Anëtarësimi i Maqedonisë në NATO gjithashtu do të japë një kontribut të madh në përmirësimin e vlerës së komunitetit Atlantik. Vitin e kaluar, Maqedonia pati një reformë ambicioze sektori i sigurisë dhe bëri përparim të madh në fushën e sundimit të ligjit dhe demokracisë”, përfundon deklarata e qeverisë gjermane. /tesheshi.com/
