Kancelarja gjermane Angela Merkel, ia ka bërë të qartë zyrtarisht dhe publikisht atë që Berlini ka pasur si qasje politike ndaj Beogradit.
Përkatësisht afrimi me Kosovën për të shkuar drejt njohjes formale. Por përpara se të ndodhë kjo do të duhet që Serbia de fakto do të duhet të ndërtojë marrëdhënie të mira me shtetin e Kosovës.
Këtë qëndrim, kancelarja Merkel ia ka përsëritur kryeministrit të Serbisë, Aleksandër Vuçiq, në një mesazh që i ka dërguar me rastin e rizgjedhjes në postin e Kryeministrit.
Siç bën të ditur Tanjug, Merkel shkruan se “Qeveria e re serbe ka përpara saj detyra të vështira si vazhdimii i reformave, pajtimi rajonal dhe normalizimi i marrëdhënieve me Kosovën.
“Qeveria federale do të vazhdojë të ndihmojë fuqishëm vendin tuaj dhe do të vazhdojë të mbështesë rrugën evropiane”, thuhet në mesazhin e Merkel.
Merkel ka theksuar ndër të tjera se është e kënaqur me takimin e tyre në kuadër të Konferencës për Ballkanin Perëndimor më 4 korrik në Paris.
/tesheshi.com/
