Kancelarja gjermane Angela Merkel ka vlerësuar në Dortmund se vendi i saj do të jetë në gjendje të arrijë punësim të plotë deri në vitin 2025, një objektiv kryesor i fushatës së saj para zgjedhjeve parlamentare të planifikuara për 24 shtator.
“Qëllimi ynë është që të arrijmë punësim të plotë deri në vitin 2025, që do të thotë një normë të papunësisë nën tre për qind. Unë mendoj se ne jemi në gjendje që të arrijmë këtë”, tha Merkel në mitingun e saj të parë të zgjedhjeve.
Kjo pikë është edhe në programin ekonomik të koalicionit qeverisës të Unionit Kristian Social (CSU) dhe Bashkimit Kristian Demokratik (CDU) të udhëhequr nga Angela Merkel.
Sipas sondazheve të fundit, Merkel mund të fitojë zgjedhjet, pasi për koalicionin e saj pritet të votojnë mes të 37 dhe 40 për qind e votuesve, ndërsa për Partinë Social Demokratike të Gjermanisë (SPD) të Martin Schulz mes 23 dhe 25 për qind e gjermanëve. /tesheshi.com/
