Angela Merkel sot ka vendosur “pikat mbi i” duke dhënë mesazhin qartë se Gjermania do të mbështesë qëndrimin e Brukselit për Shqipërinë, pra do të votojë pro-hapjes së negociatave me Shqipërinë, por ama ditën kur të mbyllet vettingu.
Angela Merkel ka mbështetur jo thjesht Edi Ramën, por pozicionin ku prej 3 vjetësh Gjermania dhe SHBA kanë investuar politikisht reformën për drejtësi.
Refornë që në Shqipëri, edhe pse është votuar nga PD e Meta, të dy palët kanë kontestuar pjesën thelbësore të kësaj reforme: pastrimin e gjyqtarëve dhe prokurorëve të 25 vjetëve me procesin e vettingut.
Mjafton të lexosh deklaratën e Merkel dhe gjithça është e prerë dhe e thënë troç.
“Komisioni Europian i ndjek në mënyrë të vazhdueshme zhvillimet në Shqipëri dhe në raportin e fundit e ka vlerësuar këtë zhvillim.
Dua ta uroj përzemërisht kryeministrin Rama për këtë zhvillim. Gjermania është përpjekur ta mbështesë Shqipërinë në zhvillimin e tanishëm duke dërguar përfaqësues në misionin Euralius, gjë që ka kontribuar që reforma në drejtësi të mund të vihet në funksionim dhe të kthehet në të drejtë”.
Kjo ishte fraza e Merkel e cila vazhdoi me një të tretë: “Unë besoj që këtu janë arritur gjëra të rëndësishme dhe ai që i shikon zhvillimet në Shqipëri e di se kërkohet shumë forcë dhe shumë guxim për ta ndjekur këtë rrugë. Ne do të flasim dhe më hollësisht sesi mund të ndihmojë Gjermania dhe më tej”.
Pra përmendja se “duhet forcë” që të luftosh të keqen në Shqipëri duket se i ka thënë të gjitha. Edhe ndryshimi i performancës së Bashës, që deklaroi se PD do të bëjë të veten në këtë proces, tregon se ka marrë një mesazh edhe më të qartë nga aleatët e mëdhenj të PPE-së, siç është CDU e Merkelit.
Kush priste një mesazh me gjuhë të drunjtë sot është zhgënjyer. Tani radha i takon Komisionit të Venecias… /tesheshi.com/
