Kancelarja gjermane, Angela Merkel ka porositur sot se është e domosdoshme që të pengohen vendet tjera anëtare të Bashkimit Evropian që të ndjekin rrugën e Britanisë, qytetarët e së cilës votuan në referendum për daljen nga bllok, lajmërojnë mediat gjermane.
”Në vend që të merremi me thellimin më të shpejtë të marrëdhënieve në mes të vendeve anëtare të eurozonës, prioritet ynë duhet të jenë siguria e kufinjve të vendeve anëtare të unionit, hapja e vendeve të reja të punës dhe avancimi i sigurisë së brendshme”, ka thënë Merkel, njofton Reuters.
Merkel shtoi se tregjet financiare ndërkombëtare janë shumë të shqetësuara nga fakti se autoritetet nuk po mund të qeverisin më Bashkimin Evropian, pas votimit të britanikëve për daljen e vendit të tyre nga ky bllok. /tesheshi.com/
