Kancelarja gjermane Angela Merkel është midis politikanëve të goditur nga një sulm i madh hakerësh, nga i cili janë publikuar informacionet e tyre personale, duke përfshirë informacion mbi kartat e kreditit dhe numrat e celularëve.
Mes të goditurve është dhe vetë kancelarja Merkel.
Mediat gjermane raportojnë se sulmi i të dhënave personale të qindra politikanëve gjermanë në nivel federal dhe shtetëror u zbulua të enjten.
Të dhënat e politikanëve të publikuara në Tëitter gjithashtu përfshijnë adresat, letrat dhe kopjet e ID-ve.
Identiteti i hakerëve dhe motivet e tyre nuk janë të njohura.
Ministrja gjermane e drejtësisë, Katarina Elb dënoi rrjedhën “serioze” të të dhënave personale të politikanëve në internet duke e quajtur atë një sulm ndaj demokracisë.
“Kryesi i sulmit dëshiron të shtrembërojë besimin në demokracinë tonë dhe në institucionet tona”, tha ajo, duke shtuar se hakeri ose disa prej tyre, duhet të gjenden urgjentisht dhe se motivet pas sulmit duhet të zbulohen. /tesheshi.com/
