Përpara një takimi të shtunën në Bruksel mbi Brexit-in, ku nga vendet e BE-së do të vendosen “vijat e kuqe” për negociatat e procesit, kancelarja gjermane ka deklaruar se Britania nuk duhet të ketë asnjë iluzion për të drejta të njëjta pas largimit nga unioni.
Angela Merkel e ka bërë të qartë edhe një herë se nuk mundet që Britania të ruajë të njëjta pozita.
“Kjo mund të tingëllojë e vetëkuptueshme, por duhet ta them këtë qartë, sepse ca në Britani ngjan të kenë iluzione në këtë pikë,” tha ajo në parlamentin gjerman.
Merkel nuk harroi të thotë se negocitatat do të jenë shumë të vështira, e se që prej fillimit duhet të përfshijnë detyrimet financiare të Britanisë.
Për të, kushtet e daljes nga BE-ja të Britanisë duhet të zgjidhen në mënyrë të kënaqshme përpara se në negociata të diskutohen marrëdhëniet e ardhshme me unionin europian. /tesheshi.com/
