Kancelarja gjermane Angela Merkel foli veçmas me presidentët rusë dhe turq, Vladimir Putin dhe Rexhep Tajip Erdogan për përpjekjet për të arritur një zgjidhje diplomatike të konfliktit në Libi.
“Komunikimi i mëtutjeshëm është rënë dakord për të forcuar përpjekjet diplomatike,” tha një zëdhënës i qeverisë gjermane.
Ai shtoi se Merkel foli me Erdogan dhe Putin përmes telefonit të dielën dhe për situatën në Siri, raporton Reuters.
Ministri i jashtëm i Turqisë ka paralajmëruar se ekziston rreziku që konflikti libian të rrëshqet në kaos dhe ta bëjë Libinë një Siri të re.
Presidenti turk Rexhep Tajip Erdogan njoftoi më herët se do t’i propozojë parlamentit që të dërgojë një ushtri në Libi në janar të vitit 2020.
Në këtë mënyrë, udhëheqësi turk do të mbështesë ushtarakisht qeverinë e njohur ndërkombëtarisht të Libisë, e cila ka qenë në konflikt me Ushtrinë Kombëtare Libiane të Khalife Haftar që nga prilli.
“Ne po shkojmë atje ku kemi qenë të ftuar. Duke pasur parasysh që thirrja ka mbërritur, ajo do të konsiderohet”, tha Erdogan.
Ai përsëriti pikëpamjen se, ndryshe nga disa vende që ndihmojnë “baronin e luftës”, duke menduar Haftarin, kjo do të ndihmonte qeverinë legjitime të Libisë.
Erdogan bëri një vizitë të papritur në Tunizi, e cila kufizohet me Libinë, ku ai diskutoi me homologun tunizian Kais Saied mundësinë e një armëpushimi në Libi. /tesheshi.com/
