Procesi i Berlinit është një iniciativë diplomatike e filluar në 2014 nga Kancelarja Gjermane me synimin për të mbështetur të ardhmen paqësore, të qëndrueshme dhe demokratike të Ballkanit Perëndimor.
Të mërkurën, Kancelarja gjermane Angela Merkel foli në një lidhje video me udhëheqësit e Shqipërisë, Bosnjë, Maqedonisë Veriore dhe Serbisë rreth samitit të ardhshëm të Procesit të Berlinit.
Zëdhënësi i qeverisë gjermane Steffen Seibert tha në një deklaratë se Merkel kishte biseduar me Presidentin serb Aleksandar Vuçiç, Kryetarin e Këshillit të Ministrave të Bosnje s Zoran Tegeltija, kryeministrin e Maqedonisë së Veriut Zoran Zaev dhe më 28 qershor me kryeministrin shqiptar Edi Rama.
“Në qendër të këtyre katër bisedimeve ishte përgatitja e samitit për Ballkanin Perëndimor – Procesi i Berlinit, i cili do të mbahet në format video në 5 korrik dhe i cili do të organizohet nga Kancelaja gjermane,” deklaroi Seibert.
Procesi i Berlinit është një iniciativë diplomatike e nisur nga Angela Merkel në 2014, me synimin për të mbështetur të ardhmen paqësore, të qëndrueshme dhe demokratike të Ballkanit Perëndimor dhe për të promovuar bashkëpunimin rajonal dhe integrimin evropian në rajon.
Si pjesë e Procesit të Berlinit, deri më tani janë mbajtur pesë samite: në Berlin (2014), Vjenë (2015), Paris (2016), Triest (2017) dhe Londër (2018).
Inisiativa e Procesit të Berlinit është ajo që ka gjeneruar idenë e Schengenit rajona, të cilën Merkel kërkon ta vulosë. /tesheshi.com/
