Pas gazetares Arbana Xharra e cila ditë më parë ju bashkua PDK-së, sot njëjtë ka vepruar edhe nënkryetari i AAK-së, njëherit ish-gazetari Blerim Shala.
Në një konferencë për media të organizuar nga PDK, Shala ka thënë se është i nderuar që po bëhet pjesë e PDK-së, derisa vendimin për të mbetur në politikë, e ka quajtur të vështirë.
Shala pritet të jetë pjesë e listës zgjedhore të PDK-së për deputet, në zgjedhjet e 11 qershorit.
Po sot, edhe gazetari Milaim Zeka ka braktisur profesionin me ç’rast ka kaluar tek NISMA e Fatmir Limajt.
Zeka ka thënë se ka hyrë në politikë që t’i ndihmoj këtij populli, e në radhë të parë gazetarëve.
“Kur kam vendosur të vij tek Nisma i kam pyetur se a më lejoni që unë me qenë ai Milaimi i cili kam qenë deri sot, kritik. Do isha i lumtur nëse nesër në kuvend do të ngritsha dhe t’i bëjë kritikat më të ashpra kryeministrit të ardhshëm Ramush Haradinaj, t’i bëjë kritikat e ashpra edhe ndaj zëvendëskryeministrit të ardhshëm, Fatmir Limajt, pasi që kështu thuhet në marrëveshjen e koalicionit mes PDK-AAK-NISMA”, ka thënë Zeka.
Ndërsa po sot. në Lëvizjen Vetëvendosje kanë aderuar aktori i njohur Adem Mikullovci dhe ish-deputeti Driton Tali. /tesheshi.com/
