Transferimet në politikën kosovare nuk kanë të ndalur. Ndërsa PDK dhe LDK janë përforcuar me analistë dhe gazetarë, Lëvizja Vetëvendosje po forcon radhët e saj me aktorë e sportistë.
Pas aderimit të aktorit Adem Mikullovci në VV, kjo parti së fundmi ka transferuar në radhët e veta njeriun më të “madh” në vend, ish-basketbollistin e njohur, shtatlartin Ferit Zekolli.
Njoftimi është dhënë nga VV ku thuhet se “basketbollisti më i njohur shqiptar i të gjitha kohërave nga tash do ta fuqizojë edhe më shumë Alternativën e Lëvizjes në pjesën e sportit, me përvojën që ka në fushën përkatëse”.
Në takimin me kandidatin për kryeministër nga VV, Albin Kurtin, si dhe kandidatët për deputetë Xhelal Sveçla dhe Nexhat Kryeziu, Zekolli theksoi do të japë kontribut maksimal për ndryshimin e domosdoshëm që duhet të ndodh në Kosovës.
Kujtojmë se Zekolli është basketbollisti i parë kosovar, që bëri emër jo vetëm në Kosovë, por në gjithë shtetin e dikurshëm federativ. Kulmi i karrrierës së tij ishte viti 1977/1978 duke qenë anëtar i kampionit të pesëfishtë, KB “Zara”. /tesheshi.com/
