Kampionia e Italisë, Juventus synon, që së bashku me paratë, të ofrojë për Paris Saint Germain dhe Dybalan dhe Matuidi, për të marrë Neymarin nga francezët.
Mediat në Apeninë shkruajnë se Neymar ka një dëshirë të madhe për të lënë “shenjtorët” dhe për të shkuar në Juventus, pasi bisedimet me Barcelonën dhe Real Madridin janë pezulluar.
PSG po kërkon deri në 300 milionë euro, por do të jetë shumë e vështirë që të marrë kaq shumë, ndaj dhe për këtë arsye Juventusi dëshiron të fusë dhe shkëmbimin e lojtarëve, ngjashëm si me Barcelonën.
Një gjë e ngjashme u ofrua nga Barcelona, me Ousmane Dembele, Samuel Umtiti dhe Philippe Coutinho, përveç parave, por parisianët refuzuan ta bënin këtë.
Neymar arriti dy vjet më parë midis “shenjtorëve” ardhur nga Barcelona, në një transferim rekord prej 222 milion euro. /tesheshi.com/
