Ju ndoshta nuk jeni në dijeni që këto krijesa ju kanë shpëtuar shumë herë nga sëmundjeve infektive.
Besohet gjerësisht se merimangat nuk duhet të vriten, sepse “sjellin para në shtëpinë ku jetojnë”, por shumica e njerëzve ende i vrasin.
Entomologu Met Berton këshillon kundër vrasjes së tyre, jo për bestytni, por për arsye të tjera, më realiste dhe më të rëndësishme.
“Merimangat janë një pjesë e rëndësishme e natyrës dhe ekosistemeve, siç janë edhe insektet e tjera. Ato hyjnë në shtëpi rastësisht ose shkurt për të mbrojtur veten, ndërsa disa specie prej tyre thjesht e duan ngrohtësinë dhe kanë tendencë të gjejnë një shtëpi për veten e tyre në shtëpinë tuaj, ku ata do të jetojnë dhe riprodhojnë.
Shumica e merimangave që mund të shihni në shtëpinë tuaj janë të padëmshme dhe nuk sulmojnë. Ata madje mund t’ju bëjnë një favor duke ngrënë dëmtues të tjerë, madje edhe merimangat dhe mushkonjat e tjera.
Unë dhe kolegët e mi kemi kryer një studim të vogël në 50 shtëpi për të parë se cilat merimanga jetonin në to. Nuk kishte shtëpi ku të mos kishte merimangat, kryesisht të dy llojeve – merimanga e bodrumit (pholcidae) dhe merimanga teridide.
Edhe pse janë grabitqarë që hanë çfarëdo që të kapin, ata përqendrohen te insektet që janë të dëmshme për njerëzit, si mushkonjat, të cilat mund të jenë bartës të sëmundjeve infektive të rrezikshme.
Është e natyrshme të kesh frikë nga merimangat. Ato kanë shumë këmbë dhe shumica prej tyre janë helmuese, por që kanë shumë pak helm për të dëmtuar një person. Dhëmbët e merimangave nuk janë mjaft të mëdha ose të forta sa të shpojnë lëkurën e njeriut.
Edhe entomologët kanë frikë nga merimangat. Unë njoh disa kolegë që kanë arritur të kapërcejnë fobinë e tyre duke punuar çdo ditë me këto krijesa tërheqëse. Nëse ata mund, edhe ju mund!
Mos harroni – merimangat nuk vijnë për t’ju dëmtuar; ato në të vërtetë shmangin njerëzit, sepse ne jemi një kërcënim më i madh për ta. Pickimet e merimangave janë jashtëzakonisht të rralla dhe numri i specieve të rrezikshme prej tyre është i vogël, siç është e veja e zezë dhe ajo e kafesë. Ato janë të rrezikshme, por pickimet e tyre janë jashtëzakonisht të rralla.
Nëse thjesht nuk mund të duroni që një merimangë të qëndrojë në shtëpinë tuaj, apartament, garazh ose ku e keni parë tashmë atë, në vend që ta rrafshoni atë me tokën ashtu siç dëshironi normalisht, lëshojeni. Ajo tashmë do ta gjejë veten ne një vend të dytë.
Mos harroni gjithashtu se nuk ka vend ku nuk ka merimanga. Edhe nëse nuk i shihni, ata janë diku, më besoni”, tha Dr. Matt Berton. /tesheshi.com/
