Mërgim Lushtaku, djali i Sami Lushtakut, ka befasuar të gjithë me votat e shumta të marra në zgjedhjet e 11 qershorit.
Ndoshta askush nuk e ka pritur, por ai sipas të dhënave preliminare renditet menjëherë pas Kadri Veselit duke rrëzuar nga froni nënkryetarët e PDK-së si Enver Hoxhajn, Memli Krasniqin, por edhe zyrtarë të lartë të kësaj partie.
Lushtaku, ka arritur që të grumbullojë mbi 20 mijë vota, duke u renditur kështu menjëherë pas Veselit, ndërsa ka kaluar dukshëm me vota edhe Hajredin Kuqin, Xhavit Haliti, Zenun Pajazitin e zyrtarë të tjerë të lartë të kësaj partie.
Mërgimi më së shumti vota ka grumbulluar në qytetin e tij në Skenderaj afër 10 mijë vota, për çka ka falënderuar bashkëqytetarët por edhe përkrahësit nga komunat e tjera./tesheshi.com/
