Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, tha se BE-ja është e gatshme të shqyrtojë masa ndaj Serbisë nëse ky vend nuk i plotëson kërkesat e Unionit.
“Brukseli po monitoron nga afër nëse Serbia i përmbush kërkesat e BE-së për qetësimin e tensioneve në veri të Kosovës dhe nëse vlerëson se Beogradi nuk i respekton ato, është i gatshëm të shqyrtojë vendosjen e masave ndaj autoriteteve në Serbi.”
Përgjigja e Borrelit ndaj një pyetjeje parlamentare u publikua të enjten, disa ditë pas përleshjeve të fundjavës në veri të Kosovës që lanë të vdekur një polic të Kosovës.
“Është e nevojshme që palët t’i kthehen dialogut të udhëhequr nga BE-ja. Të dyja palët kanë shumë obligime për të përmbushur, përfshirë krijimin e një komuniteti të komunave me shumicë serbe”, tha përfaqësuesi i BE-së.
Rreth tre orë pas mesnatës së 24 shtatorit, në Banjskë të komunës së Zveçanit, në sulmet ndaj njësive të policisë së Kosovës mbeti i vrarë Afrim Bunjaka, ndërsa u plagos polici Alban Rashiti. Nga ana tjetër, në kundrareagimin e policies kosovare u vranë tre terroristë serbë. /tesheshi.com/
