Presidenti turk Rexhep Taip Erdogan ka shënuar një precedent jo të zakontë duke mos pranuar të takohet në Ankara me Këshilltarin e Sigurisë Kombëtare të SHBA, John Bolton; e kjo si shenjë papajtueshmërie ndaj deklarimeve të zyrtarit të lartë të administratës Trump në lidhje me “sigurinë e kërcënuar” të kurdëve nga Turqia, në verilindje të Sirisë.
refuzoi takimin me këshilltarin e sigurisë kombëtare të SHBA-ve, John Bolton, pasuar nga pretendimet e Boltonit se Turqia “shënjestron kurdët” në Siri, pretendime të cilat Ankaraja i kundërshtoi në mënyrë të vendosur.
“Nëse takimi me Bolton ishte i domosdoshëm, atëherë mund të kisha thënë po”, u tha Erdogan gazetarëve, duke theksuar “programin e rënduar” të tij në refuzimin e takimit, si dhe shtoi se Bolton më mirë të takojë zëdhënësin Ibrahim Kalin.
Erdogan theksoi se ai në çdo moment mund të flasë me presidentin e SHBA-ve, Donald Trump – raporton AA.
Vendimi i presidentit Trump për tërheqjen e trupave amerikane nga Siria ishte pikërisht pas një bisede telefonike me homologun Erdogan – vë në dukje agjencia.
Të dielën, Bolton tha se SHBA-të nuk do të tërheqin trupat nga Siria verilindore derisa qeveria e Turqisë të garantojë se nuk do të sulmojë “luftëtarët kurdë”, duke iu referuar grupimit militar PKK/YPG, të cilin Ankaraja e konsideron si “terrorist”.
Turqia ka bërë të ditur se planifikon një operacion kundër-terrorist në Siri, që shënjestron PKK/YPG-në, pas dy operacioneve të suksesshme që nga viti 2016.
Për më tepër, Turqia ka kritikuar aleancën mes SHBA-ve dhe PKK/YPG-së, duke theksuar se nuk ka kuptim që të përdorur një grup terrorist lufton një tjetër grup terrorist, sicc është në këtë rast ISIS-i. /tesheshi.com/
