Ka shumë mënyra se si mund ta ripërdorni salcën e mbetur të domateve dhe ne ju japim një listë me disa prej tyre, të lehta dhe të shpejta për gatime të shijshme.
- Bëni pica
Përhapni një shtresë të hollë me salcë domate në brumë për pica, të gatshëm ose të përgatitur në shtëpi. Hidhni edhe djathë të grirë dhe perimet tuaja të preferuara dhe piqeni. Kaq e thjeshtë.
- Fasule ose qiqra me salcë domatesh
Për një darkë të shpejtë dhe të këndshme kur frigoriferi është pothuajse i zbrazët, provoni këtë: merrni një konservë me fasule të bardha ose qiqra dhe hidhini në një tigan me pak vaj ulliri dhe pak qepë të grira, hudhër të grirë dhe pak salcë domate. Trazojeni derisa përzierja të bëhet e trashë dhe aromatike. Këtë përzierje mund ta përdorni për të bërë një tost, ose duke e hedhur në një pjatë me makarona si salcë, shoqëruar edhe më një sasi djathi parmigian sipër.
- Me vezë të fërguara
Hidhni një lugë me salcë domate në 2 vezë të rrahura para se t’i skuqni. Provojeni dhe do të merrni një gatim të pasur me proteina.
- Shtojeni atë në supë
Shija e ëmbël e domates do të sjellë me shumë delikatesë në supën tuaj aromën e tij më të thellë. Shtoni salcën në të njëjtën kohë që po përgatisni një supë, për t’i dhënë kohë të përzihet me përbërësit e tjerë.
- Bëni oriz të stilit meksikan
Gatimet me salcë domate që shërbehen në restorantin tuaj të preferuar meksikan, janë shumë të lehta të përgatiten edhe në shtëpi. Vetëm shtoni salcën e mbetur ose hidhni në të njëjtën kohë orizin tuaj të preferuar, si dhe disa bizele të ngrira dhe karota, nëse i keni. Kur orizi të përfundojë gatimin, do të ketë thithur gjithë ujin dhe do të ketë aromën shtesë nga salca e domates.
- Ngrijeni atë për më vonë
Vendoseni në frigorifer dhe thjesht përdoreni më vonë për të gjitha mënyrat që ju dhamë më lart./tesheshi.com/
