Pikat e vogla të zeza, të cilat ndodhen në lëkurën tuaj, njihen edhe si ‘comedones të hapura’ dhe janë të mbushura me keratinë, mbetje lëkure si dhe substanca vajore. Kjo shënon fazën e parë të krijimit të akneve. Edhe pse nuk janë një shqetësim parësor për shëndetin, ato mund të jenë të mërzitshme dhe të bezdisshme, duke qenë se shfaqen në pjesën më të dukshme të trupit, siç është edhe fytyra.
Përgjithësisht janë më të dukshme në pjesën e hundës, çka e bën fytyrën tuaj më pak tërheqëse. Ndaj, nëse doni të shpëtoni nga to, është shumë e rëndësishme të dini mënyrën e duhur për ti trajtuar.
Trajtime për të shpëtuar nga pikat e zeza në hundë
Për fat të keq, nuk ka asnjë metodë tradicionale për të hequr pikat e zeza. Edhe pse ka shumë solucione apo kremra fytyre, ato mund të eliminojnë vetëm një pjesë të papastërtive. Megjithatë, ka disa metoda shumë efektive që mund të aplikohen dhe përgatiten në shtëpi, të cilat mund të bëjnë mrekulli me lëkurën. Më e mira e tyre është se janë tërësisht natyrale dhe nuk kanë efekte anësore.
Maska me të bardhën e vezës
Mund të bëni një maskë me të bardhën e vezës për të trajtuar këtë problem të poreve. Kjo maskë jo vetëm që do të eliminojë pikat e zeza në hundë, por njëkohësisht parandalon edhe krijimin e tyre në ditët apo kohët në vijim. E pasur me tretës, e bardha e vezës është shumë e shëndetshme për lëkurën tuaj.
Ju duhen: një vezë, një peshqir i pastër, disa letra tualeti apo facoleta.
Përgatitja: Ndani të bardhën nga e verdha e vezës. Lani mirë fytyrën dhe thajeni atë më pas. Aplikoni të bardhën e vezës në lëkurë, tepër hollë. Vendosni letrat e tualetit apo facoletat në zonat ku keni më shumë pika të zeza. Lërini deri sa e bardha e vezës të jetë tharë tërësisht. Më pas aplikoni përsëri të bardhën e vezës mbi letrën që keni vendosur. Lëreni përsëri deri sa të thahet. Do të ndieni që nuk do të mund të lëvizni muskujt e fytyrës. Tani është koha që të largoni maskën nga fytyra. Shpërlajeni atë me ujë të pastër dhe më pas shpëlajeni. Mund të aplikoni një krem zbutës në fytyrë.
Kanellë dhe mjaltë
Kanella dhe mjalti është një kombinim shumë i fuqishëm dhe që ndihmojnë në luftimin e baktereve që gjenden me shumicë tek aknet. Ky trajtim mund të largojë nga fytyra gjithë papastërtitë që ndodhen në poret tuaja. Kanella stimulon qarkullimin. Në fund ju do të mund të keni një lëkurë të ndritshme, të shëndetshme dhe të lëmuar.
Ju duhen: Mjaltë organik, kanellë pluhur, një copë pambuk.
Përgatitja: Përzieni mirë kanellën me mjaltin. Aplikoni përzierjen në zonën ku keni pikat e zeza. Vendosni mbi të një copë pambuku (mund të jetë edhe një pecetë pambuku). Lëreni të veprojë për 3-5 minuta. Më pas hiqni nga fytyra copën e pambukut dhe pastroni lëkurën me ujë të pastër. Mund të vendosni një krem regjenerues.
Pastrues me sheqer
Ndonjëherë, gjithçka që ju duhet është një pastrim i thellë i lëkurës, heqja e lëkurës së vdekur dhe pastrimi i poreve. Nëpërmjet një maske me sheqer mund të përfitoni qarkullim më të mirë dhe lëkurë të ndritshme. Përdorni vajin e jojobas duke qenë se është i ngjashëm me serumin e lëkurës. Përveç vajit të jojobas, vajit të ullirit apo farave të rrushit, rekomandohet edhe përdorimi i vajit të bajames.
Ju duhen: 4 lugë vaj jojoba, 1 kupë me sheqer të bardhë apo kaf, disa pika vaj esencial (sipas dëshirës).
Përgatitja: Përzieni mirë me njëri-tjetrin vajin e jojobas me sheqerin, deri sa sheqeri të tretet mirë dhe nëse dëshironi, shtoni edhe disa pika vaj esencial. Vendosni përzierjen në një enë qelqi dhe çojeni në një vend të errët e të ftohtë. Lagni fytyrën dhe aplikoni përbërjen. Masazhoni lëkurën në mënyrë të ngadaltë dhe të butë. Lëreni përzierjen të veprojë për rreth gjysmë ore. Më pas lajeni me ujë dhe vendosni një krem mbrojtës. Mos e përsërisni këtë maskë më shumë se dy herë në javë, pasi fytyra mund të acarohet.
Scrub me lëng limoni
Lëngu i limonit përmban shumë vitamina dhe përbërës, të cilët janë shumë efikas kundrejt pikave të zeza.
Ju duhen: Pak lëng limoni, pak mjaltë, pak kos, pak kripë, qumësht.
Përgatitja: Përzieni mjaltin, kosin, kripën dhe lëngun e limonit. Aplikoni përzierjen si scrub në zonën më problematike të fytyrës. Gjithashtu mund të bëni edhe nj pastrues fytyre duke përzier qumështin me lëngun e limonit. Ky lloj trajtimi duhet të bëhet 10-12 ditë rresht, në mënyrë periodike.
Çaji i gjelbër
Dihet se çaji i gjelbër është shumë i mirë për shëndetin dhe ka përdorime të shumta. Ai jo vetëm që përmirëson funksionimin e trurit por stimulon humbjen e peshës, redukton rrezikun e tipave të ndryshme të kancerit, ul rrezikun e prekjes nga Parkinstoni dhe Alzheimeri, përmirëson shëndetin dentar dhe lufton diabetin e tipit 2. Për më tepër, nëse nuk e dinit, çaji i gjelbër është një përbërës shumë i mirë që lufton pikat e zeza.
Ju duhen: gjethe të çajit jeshil, ujë, një lugë çaji, një peshqir i butë.
Përgatitja: Vendosni në një enë që të ziejnë gjethet e thara të çajit jeshil. Krijoni një lloj paste dhe vendoseni mbi pikat e zeza. Lëreni të veprojë për 2-3 minuta. Lani fytyrën me ujë të vakët. Thajeni me një peshqir të butë dhe vendosni më pas një krem hidratues. Ky është një lloj scrub-i shumë i mirë për pastrimin e thellë të lëkurave të yndyrshme./tesheshi.com/
