Një jetesë pa aktivitete fizike është e lidhur me përshpejtimin e proçesit të plakjes së qelizave.
Kjo të paktën sipas një studimi të kryer në SHBA, ku u përfshinë 1500 persona të moshës 64-95 vjeç.
Në përfundim të studimit, u evidentua se qelizat e femrave që bëjnë jetë sedentare janë biologjikisht 8 vjet më të vjetra se sa qelizat e moshatareve të tyre fizikisht më aktive, ka publikuar American Journal of Epidemiology.
Procesi i plakjes është monitoruar nga analiza e gjendjes së telomereve në skaje të kromozomeve, ku është vënë re se ato më të shkurtra janë të lidhura me rritjen e rrezikut të sëmundjeve të zemrës, diabetit dhe disa lloje të kancerit.
Shkencëtarët nga Universiteti i Kalifornisë thonë se gjetjet e tyre konfirmojnë se jeta sedentare mund të përshpejtojë procesin e plakjes.
Sipas tyre, edhe tek të moshuarit është shumë e rëndësishme ruajtja e aktiviteteve të mjaftueshme fizike. /tesheshi.com/
