Mëngjesi i kësaj të shtune shënoi një ngjarje të rëndë në Durrës. Mond Çekiçi, i njohur si mik i Lul Berishës, u ekzekutuar brenda në automjetin e tij.
Ngjarja e rëndë ndodhi rreth orës 08:40 të mëngjesit.
Çekiçi, 40 vjeç u ekzekutua teksa me të ka qenë edhe shoferi i tij i cili po jep dëshminë në polici, raporton TCH.
Raportohet se se një automjet tjetër u ka prerë rrugën, duke detyruar shoferin e viktimës që të dalë e të pyesë se çfarë ka, ndërkohë që një nga personat në mjetin tjetër e ka qëlluar për vdekje 40-vjeçarin. Më pas, vrasësit janë larguar me një mjet tip Benz me targa të vjedhura në Tiranë i cili më vonë u gjet i djegur në Katund Sukth.
Po kush është Edmond Koçi, apo Mond Çekiçi?
Sipas TCH, Edmond Koçi ose siç njihet ndryshe “Mond Çekiçi”, nuk është një emër i panjohur.
Policia e Durrësit e ka konsideruar si person me rrezikshmëri, pasi jo vetëm që ishte pjesë përbërëse e një klani kriminal në Durrës, por ai rezulton të jetë dënuar disa herë për akuzën e mbajtjes pa leje të armëve dhe kundërshtimit të forcave të policisë.
Në muajin maj 2009 Edmond Koçi, është dënuar me 2 vite burgim për akuzën e “Mbajtjes pa lejë të armëve”.
“Mond Çekiçi”, shoqërohej me Lulzim Berishën “Luli”, Emiljano Shullazi “Mili”, Plarent Dervishaj “Lenti”, Marjel Fierza, Julian Meçaj, Bashkim Haxhiaj dhe persona të tjerë.
Dyshohet se shkak për vrasjen e Koçit është bërë e kaluara e tij. /tesheshi.com/
