Menduh Thaçi, lideri i PDSH-së, ka dhënë dorëheqjen nga ku post mbrëmjen e së enjtes, duke u shndërruar kështu në një “ish” në krye të kësaj partie, themeluar nga i ndjeri Arbër Xhaferi. Vendimi vjen afro 10 ditë nga zgjedhjet e 11 dhjetorit, ku rezultati për PDSH-në ishte trishtues: vetëm 2 deputetë. Thaçi tha se ishte ai që e mbante përgjegjësinë e kësaj humbjeje – siç e cilësoi ai – madje duke shtuar se ato dy mandate ia kalonte Lëvizjes BESA nëse do ishte e nevojshme.
“Të dashur miq, sapo dorëzova dorëheqjen e parevokueshme nga posti i Kryetarit të Partisë Demokratike Shqiptare, Këshillit Drejtues të PDSH-së. Partinë Demokratike Shqiptare do t’a drejtojë në mënyrë kolektive Këshilli Drejtues deri në Kongresin e jashtëzakonshëm, data e mbajtjes e të cilit do të caktohet nga Kuvendi Qendrorë i Partisë. Koordinatorë i aktiviteteve u emrua Sekretari i Përgjithshëm z.Azem Sadiku, ndërsa unë mbetem ushtarë i bindur i Partisë Demokratike Shqiptare. Ju Faleminderit”, ishte kjo deklarata e dorëheqjes së Thaçit.
Menduh Thaçi e drejtonte këtë parti që pas vdekjes se Arbër Xhaferit pak vite më parë. Por forca e tij politike erdhi çdo vit duke u dobësuar në skenën politike.
Dorëheqja e Thaçit shënon të dytën e një lideri politik shqiptar në krye të një force politike këto 25 vite, pas rezultatit humbës në zgjedhje. Para tij ka qenë Berisha në vitin 2013. Tashmë mbetet të shihet nëse Thaçi do ketë sërish karrierë politike, por jo më si kryetar partie. Berisha vazhdon ta ketë, madje dhe si kryetar hije. /tesheshi.com/
