Menduh Thaçi, Kryetari i Partisë Demokratike Shqiptare, i cili ishte personazh i një prej “bombave” të kreut të opozitës, Zaev, ku fliste për të manipuluar zgjedhjet, i ka cilësuar si montim, ndërkohë që hapur ka akuzuar rivalin e tij Ali Ahmeti për komplot me opozitën dhe ka paralajmëruar një marrëveshje për të hyrë në qeveri me Gruevskin. Thaçi mbajti jë konferencë për shtyp në selinë e partisë së tij në Tetovë ku ju përgjigj akuzave.
Ai është zëri autentik i Juaj në këtë video?
Thaçi: Por a e dini çfarë bëjnë me zërin këta, zëri autentik i imi është të flas me ty e pastaj heqin një fjali dhe pastaj e bartin me këtë gazetarin tjetër, mandej një fjali tjetër e ndërpresin, për shkak se biseda është totalisht e konstruktuar, lutja nga ana e VMRO-së është që: ne do tu ndihmojmë ta prishim Çairin dhe të shpallet falsifikimi dhe ju do të na ndihmoni për Strumicën, kaq.
A keni pasur takime me Nikola Gruevskin pas aferës “Puç”?
Thaçi: Jam takuar me kryeministrin dy herë, unë kam pasur shumë interesim të flas për çështjet integruese, që janë shumë të rëndësishme, po ashtu për raportet ndëretnike dhe marrëdhëniet ndëretnike. Për bisedat tjera është pak herët tu flas, do tu flas shumë shpejt, nuk shkon as 2-3 javë deri 1 muaj. (tesheshi,com)
