Arbër Xhaferi do mbushte sot 68 vjeç nëse do ishte ende në jetë. Ish-lideri i PDSH-së, dhe njëherësh një nga apostujt e mendimit nacional mbarëshqiptar, u kujtua nga pasardhësi i tij politik, Menduh Thaçi, njeri që i ka trashëguar partinë por aspak karizmën, gjersa po jeton kuotat më të ulëta të prestigjit dhe vlerësimit politik ndër shqiptarë.
Pas homazheve tek varri, ku bëri dhe lutje mbi të (dua, siç i thonë ndryshe në gjuhën fetare), Thaçi tha për mediat: “Mendoj se shumë afër është koha që përmendorja kryesore, sheshet kryesore ku jetojnë shqiptarët ta mbajnë emrin e Arben Xhaferit. Kjo është simbolika e rrugës së vetme drejt fitores përfundimtare të tyre”. /tesheshi.com/
