Mendja brilante muslimane që “iu vodh” himni i një kongresi

Arkivi Shtetëror sjell në kujtesë një personalitet unik shqiptar, Kadri Vokopolën, një figurë islame me dimensione të jashtëzakonshme, njeriu që i himnit të Kongresit të Lushnjës, gjë të cilën, i ndjeri Kiço Blushi ia atribuon një ortodoksi – xha Mihalit – te filmi “Koncert në vitin ‘36”.

Po kush ishte Kadri Vokopola?

Arkivi shkruan:

Si sot, më 28 qershor 1969, ndërroi jetë Ferit Vokopola.

Politikan, teolog, përkthyes dhe delegat i Lushnjës në Kuvendin e Vlorës, si edhe nënshkruesi më riosh i Deklaratës së Pavarësisë. Ishte një nga organizatorët e Kongresit të Lushnjës. Radhitet mes themeluesve të Medresesë së Tiranës. Lëvroi në shtypin laik e fetar. Solli pranë gjindjes fjalën e epërme, duke shqipëruar Kur’anin nga anglishtja në shqip. Kësodore, një prej portreteve më të spikatur të misticizmit islam në Shqipëri, në gjysmën e parë të shekullit të 20-të dhe figurë qendrore në studimet persiane.

Në vitin 1914 shërbeu si Ministër i Bujqësisë. Në vjetët 1920-1928 u zgjodh deputet i Vlorës, ndërsa gjatë dhjetëvjeçarit 1928-1939 qe deputet i Beratit. Ai ishte një politikan, ekonomist, teolog, poet, filozof dhe eseist shumë i suksesshëm. Ndanë krijimeve me trajtë fetare, botoi vëllimin me poezi “Symbyllazi me ëndërrimet” dhe veprën “Gjëmimet e Tomorrit” (1942).

Lart, foto e Vokopolës mes një grupi politikanësh shqiptarë dalë me rastin e 28 nëntorit (Dhimitër Berati, Ali Asllani, Lef Nosi, Hafiz Sherif Langu, Dervish Biçaku, Rexhep Mitrovica, Eqerem Vlora). Bashkëngjitur, pjesë nga bisedimet parlamentare ku ka marrë pjesë Vokopola. /tesheshi.com/