Kryeministrja italiane Giorgia Meloni ka vendosur të tërheqë padinë e saj për shpifje kundër filologut dhe historianit klasik Luciano Canfora.
Historiani 82-vjeçar u dërgua në gjyq prillin e kaluar. Seanca e parë u caktua për të hënën, më 7 tetor.
Canfora e kishte quajtur Melonin një “neo-naziste në shpirt” gjatë një fjalimi të vitit 2022 në një shkollë të mesme të Italisë së Ulët, ku ai iu referua zhvillimeve në luftën në Ukrainë.
Mbrojtësi i historianit italian, para se të vendosej referimi për gjykim, kishte theksuar se “ky karakterizim është pjesë e së drejtës për të ushtruar kritikë politike”, ndërsa Giorgia Meloni kishte kërkuar dëmshpërblim prej 20 mijë eurosh.
Kur u bë e ditur se Canfora u padit, dhjetëra shoqata dhe organizata, por edhe 250 intelektualë, nënshkruan një deklaratë mbështetjeje për Canfora-n, në të cilën theksohet se “ky është një ushtrim legjitim i të drejtës për të kritikuar në fushën e politikës” dhe se “qëllimi përfundimtar i Melonit është të dëmtojë të drejtën kushtetuese për mendimin e lirë”. /tesheshi.com/
