Pikniku në natyrë i një gruaje 39-vjeçare në Turqi për të festuar fejesën e saj përfundoi tragjikisht kur ajo ra nga një shkëmb 30 metra dhe vdiq.
Yesim Demir ishte me pushime në Çanakala, në veriperëndim të Turqisë, me të fejuarin e saj Nizamedin Gursu kur ndodhi ngjarja tragjike më 6 korrik.
Siç raportojnë mediat ndërkombëtare, çifti ishte ngjitur në një shpat për të festuar me pamje nga perëndimi i diellit propozimin për martesë që i kishte bërë pak më herët.
Sipas dëshmisë së Gursu, gjithçka ndodhi kur ai shkoi të merrte gjërat e nevojshme për piknik nga makina e tij dhe papritmas dëgjoi një britmë. U kthye me shpejtësi dhe ajo që pa ishte se e fejuara e tij kishte rënë mbi shkëmb.
https://youtu.be/37jhNFHJbLQ
Gruaja 39-vjeçare u tërhoq e gjallë, por e plagosur rëndë nga shkëmbi pas rënies, por fatkeqësisht, ajo ndërroi jetë pak kohë më vonë, pavarësisht përpjekjeve të shpëtimtarëve për ta ringjallur për të paktën 45 minuta.
“Zgjodhëm këtë shpat për të pasur një kujtim romantik pas propozimit tim për martesë. Gjithçka ndodhi në një çast. Ajo humbi ekuilibrin dhe ra në boshllëk”, tha një Gursu i tronditur.
Por siç pohoi ai, pak para se të ndodhte e papritura fatale, ata kishin konsumuar alkool. /tesheshi.com/
