Deputetja e LDK-së, Melihate Tërmkolli, në fjalën e saj në nisje të punimeve të seancës së Kuvendit të Kosovës ka thënë se lajmet e botuara dje për kinse votën e saj pro Hashim Thaçit president, janë të pavërteta.
“Lajmi se unë do ta votoj Hashim Thaçin për president, është i pavërtetë. Do t’i padis ato media që kanë dhënë këtë lajm të pavërtetë”, ka thënë Tërmkolli.
Televizioni publik i Kosovës, dje, dha lajmin se deputetja Tërmkolli do ta votojë Hashim Thaçin për president të vendit, duke u thirrur në një konferencë për media të mbajtur nga ajo.
Deputetët e LDK-së që besohet se do të votojnë kundër Thaçit president janë: Vjosa Osmani, Adem Salihaj, Fatmir Rexhepi, Armend Zemaj, Anton Çuni, Arben Gashi, Doruntinë Maloku dhe Besa Gaxherri (kjo e fundit e ka konfirmuar një gjë të tillë në një intervistë dhënë për tesheshi.com).
/tesheshi.com/
