Ministri i Financave i Meksikës dha dorëheqjen përmes një letre të bërë publike, ku thotë se nuk ka mundur t’u bëj ballë parregullsive të presidentit Andres Manuel Lopez Obrador.
“Kishte shumë mospërputhje në çështjet ekonomike”, tha Carlos Manuel Urzua Macias në letrën drejtuar Obradorit.
Urzua nënvizoi se vendimet e politikave publike u bënë “pa mbështetje të mjaftueshme” nën regjimin e majtë të Obradorit.
“Jam i bindur se të gjitha politikat ekonomike duhet të miratohen në bazë të provave, duke u kujdesur për efektet e mundshme, e mbi të gjitha, të lirohet nga të gjitha ekstremizmat, qoftë nga e djathta apo nga e majta”, tha ai.
“E konsiderova si të papranueshme që zyrtarët që nuk kanë njohuri për thesarin të udhëheqin me pasurinë e vendit”, tha ministri. /tesheshi.com/
