Forcat speciale, përgjegjëse për rendin dhe sigurinë në hapësirën Qabesë në Mekë, kanë konfirmuar arrestimin e një personi, rreth të dyzetave, i cili është përpjekur të vetëflijohet duke u vetëdjegur me benzinë brenda vendit të shenjtë.
“Menjëherë pasi e kanë hetuar, forcat e sigurisë e kanë penguar personin që t’ia vë flakën vetes. Prej sjelljes së tij mund të konkludohet se është një person i sëmurë mendor. Kundër tij do të merren masa ligjore”, tha Raed Saleh Sulejmi, zëdhënës i shërbimeve të sigurisë.
Poratali saudit Sabq që dha lajmin, informoi se një dëshimtar në vendngjarje ishte protagonist në kapjen e personit.
“Vërejta një person duke hedhur benzinë në afërsi të Këndit të Jemenit. Menjëherë e kapa dhe u bëra thirrje të tjerëve për të më ndihmuar. Arritëm ta pengojmë në synimin e tij, ndërkohë që forcat e sigurisë e arrestuan atë”, tha dëshmitari.
Në Islam, vetëvrasja është e ndaluar. Dhe ky përbën një rast të jashtëzakonshëm, aq më tepër kur ndodh afër një vendi të shenjtë. /tesheshi.com/
https://youtu.be/-ZBPV6RSH4k
