Ndërsa të gjithë e quajnë ide të Thaçit korrigjimin eventual të kufirit me Serbinë, kështu nuk mendon shkrimtari dhe publicisti Mehmet Kraja. Sipas tij njeriu që e ka gatuar këtë propozim është Edi Rama. Sipas Krajës kryeministri shqiptar po merr kompetenca që nuk i takojnë.
“Tirana zyrtare duhet të distancohet nga ndërhyrjet pasi Shqipëria nuk mund të ndikojë në këte çështje”, tha Kraja në takimin letrar në Prishtinë “Letërsia dhe Qyteti”.
Edhe pse debat i gjerë ka shpërthyer në trojet shqiptare për ndryshimin e kufijve, Edi Rama vazhdon të qëndrojë i heshtur lidhur me këtë çështje
Mbetet të shihet nëse do t’i reagojë publicistit kosovar, apo do të vazhdojë heshtjen.
Ndërkohë, mediat e huaja raportuan se krahas Aleksander Vuçiçit edhe Rama e ka pranuar idenë e shkëmbimit të territoreve. /tesheshi.com/
