Kryeministri rus Dmitry Medvedev tha se ai shpresonte që Bashkimi Evropian të mos e kundërshtojë Serbinë të nënshkruajë një marrëveshje tregtare me Bashkimin Ekonomik Euroaziatik (EAEU) dhe tha se teza “ose Lindja, ose Perëndimi” i BE-së nuk po shkon në drejtimin e duhur.
Medvedev kujtoi se marrëveshja do të nënshkruhet në Moskë në prani të kryeministres serbe Ana Brnabic në 25 tetor.
“Ne nuk duhet ta përqëndrojmë bashkëpunimin tonë në ‘ose – ose’, nuk duhet të reagojmë ndaj mashtrimeve dhe klisheve ideologjike dhe të kundërshtojmë një qasje të tillë shkatërruese, por të mendojmë në mënyrë pragmatike dhe të zhvillojmë bashkëpunim pragmatik “, tha Medvedev në parlamentin serb, duke shtuar se Rusia është kundër qasjes konfliktuale.
“Me partnerët tanë, ne po ndërtojmë një Bashkim Euroaziatik i cili bazohet në barazinë dhe respektimin e interesave të njëri-tjetrit. Sidoqoftë, Unioni Euroaziatik nuk është një klub i mbyllur, por ne jemi të hapur për bashkëpunim me vendet e tjera”, tha Medvedev.
Ai thotë se partnerët e BE kanë refuzuar bashkëpunimin me Rusinë.
Rusia nuk hidhërohet për shkak të kësaj, por ajo ka lënë pasojat e saj në zgjidhjen e detyrave të shumta në Evropë dhe ekonomi, duke çuar në humbjen e miliarda eurove që nuk mund të rikuperohen, tha Medvedev.
Kryeministri rus ishte në Serbi me rastin e 75-vjetorit të çlirimit të Beogradit në Luftën e Dytë Botërore. /tesheshi.com/
