Dimitër Medvedev ka qenë qeveritari i parë që ka uruar Aleksandër Vuçiqin për fitoren në zgjedhjet e 24 prillit por dhe e ka paralajmëruar atë se nuk duhet të ndryshojë politikën me Moskën.
Ambasadori i Rusisë në Beograd, Aleksandër Cepurin i ka dorëzuar letrën e kryministrit të tij drejtuar homologut Vuçiq.
Siç citon B92, në letrën e tij medvedev thekson:
“Qytetarët Serbisë kanë shprehur mbështetjen e tyre për kursin tuaj, në të cilin është rezervuar forcimi i marrëdhënieve strategjike me Federatën Ruse. Unë ju konfirmoj se do të vazhdojmë marrëdhëniet tona në të gjitha fushat”, theksohet në letër.
Ndërkaq, një zyrtar i lartë rus që ka viziuar Serbinë gjatë zgjedhjeve, i ka bërë thirrje qeverisë së tij që të mos tërhiqet nga Serbia, pasi qëllimi i Shteteve të Bashkuara të Amerikës është ndarja e saj nga Rusia.
Siç bën të ditur agjencia e lajmeve Tanjug, Vitaly Likhachev, zyrtar i lartë i komisionit zgjedhor rus, ka deklaruar në një intervistë për agjencinë TASS se “Ne duhet të kemi një qëndrim special ndaj Serbisë që të mos na e marrë Amerika dhe Bashkimi Europian siç ndodhi me Malin e Zi”.
Ndërkaq, Departamenti Amerikan i Shtetit i ka cilësuar zgjedhjet serbe si korrekte dhe sipas ligjit.
Në deklaratën për shtyp theksohet se SHBA do të punojë së bashku me qeverinë serbe për të forcuar marrëdhëniet ndërmjet dy vendeve.
John Kirbi, zëdhënës i DASH tha se “urojmë popullin serb për qetësinë që tregoi në zgjedhjet e së dielës”.
/tesheshi.com/
