Aleati i vetëm i partisë Demokratike në zgjedhjet e fundit lokale në Shqipëri, kreu I republikanëve, Fatmir Mediu akuzoi demokratët se gjatë dy fushatave të fundit elektorale, e kanë pasur mendjen të bëjnë koalicion me LSI-në.
“Kjo është e palogjikshme dhe e turpshme. Do të ishte më mirë një koalicion me PS-në, sesa një pazar në kurriz të shqiptarëve me LSI-në”, tha ai.
Fatmir Mediu tha për gazetën “Mapo” se më mirë do ishte një koalicion mes PD-së dhe PS-së.
Kjo deklaratë mund të duket si retorikë, por kreu i PR-së duket e mendon vërtet që PD duhet të bëjë koalicion me PS-së, kur shton se flet për një koalicion parlamentar me PS-në jo detyrimisht me pjesëmarrje në qeveri, por në mundësimin e reformave konsensuale si ajo kushtetuese, e drejtësisë, reforma zgjedhore. /tesheshi/
