Kreu i Partisë Republikane Fatmir Mediu ka bërë sot disa ec-ejake nga zyra e Sali Berishës në kafe me Ilir Metën, por nuk ka ditur çfarë të thotë për gazetarët kur u pyet për marrëveshjen Basha-Rama.
“E pyeta mbrëmë Bashën pas takimit me Ramën, por ai nuk më tha shumë, ruajti konfidencialitetin”- tha Mediu sot.
Ai tha se shpreson që marrëveshja të jetë në interes të shqiptarëve.
“Unë kam qenë pjesë e menaxhimit për të qenë pjesë e një marrëveshje që do të ketë vlerë”- tha ai duke lënë një qëndrim shumë të paqartë.
Mediu tha se i ka kërkuar Bashës sot një takim me aleatët për të sqaruar paktin që ka arritur me Ramën.
Mediu, Berisha dhe Meta, nuk kanë qenë shumë të qetë gjatë ditës së sotme, ndërkohë që kryeministri dhe kreu i opozitës vijojnë të rrijnë bashkë kokë më kokë tek Pallati i Kongreseve që prej orës 10.00 të mëngjesit./Tesheshi.com
