Fatmir Mediu, kreu i Partisë Republikane që e ka si kauzë të saj bazë çështjen e pronave, ka denoncuar atë që e quan “situatë alarmante të dhunës qeveritare” që sipas tij po ushtrohet ndaj pronarëve të ligjshëm në bregdetin e jugut.
Partia Republikane dënon çdo formë të dhunës qeveritare mbi banorët e Himarës dhe gjithë bregdetit dhe kërkon kthimin e pronave në bregdet dhe mbarë Shqipërinë, si një e drejteëligjitime e banorëve të këtyre zonave që i kanë ndërtuar dhe trashëguar këto prona ndër shekuj.
Partia Republikane kërkon të regjistrohen të gjitha pronat e pronarëve të ligjshëm, shtëpi apo prona të tjera në Himarë e gjithë bregdetin, të hipotekohen dhe pajisen me çertifikatat e pronesisë”, thuhet në deklaratën e Mediut.
Sipas kreut republikan, është e turpshme, kur nga njëra anë qeveria legalizon paligjshmërine, e nga ana tjetër atyre familjeve që e kanë pronë prej shekujsh nuk ja njeh.
Por kjo deklaratë e Mediut bëhet ndërsa ai është në opozitë. Sa ishte në pushtet në aleancë me PD, angazhimi i tij politik në zgjidhjen e çështjes së pronave ka qenë pothuajse minimal. /tesheshi.com/
