Argjentina është Mesi dhe Mesi është Argjentina. Më të tillë tituj janë mbushur mediat argjentinase, pas fitores 1-3 që Kombëtarja e tyre arriti ndaj Ekuadorit, e ku “Pleshti” shënoi të 3 golat. Fitorja bëri të mundur kualifikimin e bardh e kaltërve në Kampionatin Botëror, Rusi 2018.
Po kështu opinioni publik e futbolldashës në Argjentinë, sikur “ia ka falur” Mesit ndeshjet e dobëta të zhvilluara 3 vjet më parë në finalen e humbur me Gjermaninë, apo edhe inekzistencën në fushë, në finalen e Kupës së Amerikës së Jugut, ku humbi me Kilin.
Përvec kësaj, të gjithë kanë filluar të thurin ëndra se Mesi kësaj rradhe do të bëjë atë që bëri me Ekuadorin, edhe në finalet e kampionatit Botëror. E ndërsa thuren elozhe, e përshkrime hiperbolike për kapitenin, kritikët e vënë theksin tek mosegzistenca e lojtarëve të tjerë bardh e kaltër, të cilët, pavarësisht se emra të mëdhenj, nuk janë decizivë për përfaqsuesen, për të mos thënë që neglizhojnë.
Sipas tyre, Mesi i vetëm nuk mund të përballojë cdo ndeshje si protagonist absolut. E për të treguar në mënyrë sarkastike si mund të fitojë Argjentina Kupën e Botës, kanë publikuar një foto-montazh, ku Leo Mesi shfaqet me cdo numër të Kombëtares, si për të dëshmuar se të gjithë duhet të kenë preokupimin e “Pleshtit”, që Argjentina t’ia dalë. /tesheshi.com/
